ఢిల్లీలోని సీనియర్ సిటిజన్స్ అందరికీ అన్ని ప్రభుత్వ ప్రైవేటు హాస్పిటల్స్ లో ఉచిత వైద్యం అందిస్తామని ఆమ్ ఆద్మీ పార్టీ హామీ ఇచ్చింది. వచ్చే ఏడాది అక్కడ అసెంబ్లీ ఎన్నికలు జరగనున్న నేపథ్యంలో ఈమేరకు హామీ ఇచ్చింది. మళ్లీ తమ పార్టీ అధికారంలోకి వస్తే 60 ఏళ్లు దాటిన వృద్ధులందరికీ ‘సంజీవని యోజన’ కింద ఉచిత వైద్యం అందిస్తామని ఆప్ కన్వీనర్ అరవింద్ కేజ్రీవాల్ తెలిపారు. వయోవృద్ధుల సంరక్షణ తమ బాధ్యత అని పేర్కొన్నారు. వారు కష్టపడి పనిచేసే దేశాన్ని ముందుకు తీసుకొచ్చారని వివరించారు. సీనియర్ సిటిజన్స్ వైద్యానికి అయ్యే ఖర్చుకు గరిష్ట పరిమితి ఏమీ లేదని స్పష్టం చేశారు.
