ఈరోజు పార్లమెంట్ లో ఉద్రిక్తత వాతావరణం నెలకొంది.రాజ్యాంగ నిర్మాత అంబేద్కర్ ను ఉద్దేశించి అమిత్ షా చేసిన వ్యాఖ్యలను ప్రతిపక్షం తప్పుబట్టింది.అయితే ప్రతిపక్షం అంబేద్కర్ ను తక్కువ చేస్తున్నారని అధికార పక్షం పేర్కొంది.అధికార,ప్రతిపక్షాలు నిరసలతో పార్లమెంట్ వద్ద ఘర్షణ వాతావరణం తలెత్తింది.అయితే ఈ క్రమంలో పార్లమెంటులోకి వెళ్లేందుకు ప్రయత్నించగా.. ఒకరినొకరు అడ్డగించుకున్నారు.ఈ మేరకు ఒడిశాకు చెందిన ఓ బీజేపీ ఎంపీ క్రిందపడిపోగా..ఆయన తలకు గాయాలు అయ్యాయి.బీజేపీ ఎంపీ ప్రతాప్ చంద్ర సారంగి మెట్లపై నుండి కింద పడిపోయారు. దీంతో ఆయన తలకు దెబ్బ తగిలి రక్తం వచ్చింది. ఇది గుర్తించిన నేతలు ఆయనను ఓ చోట కూర్చోబెట్టి…చికిత్స చేయించే ప్రయత్నం చేశారు. ఆయనను రాహుల్ గాంధీ నెట్టేశారని ప్రతాప్ చంద్ర సారంగి చెప్పారు.
