పేదల జీవన ప్రమాణాలు పెంచేలా సంస్కరణలు అమలు చేయాల్సిన అవసరం ఉందని, ఈ సంకల్పానికి నూతనత్వం, సాంకేతికత జోడిస్తే వివిధ శాఖల్లో అద్బుత ఫలితాలు సాధించవచ్చని అధికారులకు ఏపీ సీఎం చంద్రబాబు సూచించారు. వివిధ శాఖల ముఖ్య కార్యదర్శులతో ఆయన నూతన సంవత్సరం సందర్భంగా సమావేశమయ్యారు. రాష్ట్ర ప్రభుత్వ ప్రధాన కార్యదర్శి కె.విజయానంద్, డీజీపీ ద్వారకా తిరుమలరావు ఇతర ఉన్నతాధికారులు సమావేశంలో పాల్గొన్నారు.
