తొలి దళిత లోక్ సభ స్పీకర్ దివంగత నేత గంటి మోహన చంద్ర బాలయోగి 23వ వర్ధంతి సందర్భంగా ఏపీ సీఎం చంద్రబాబు, మంత్రి నారా లోకేష్ లు ఘన నివాళులు అర్పించారు.
ఏపీ సీఎం చంద్రబాబు:
తొలి దళిత లోక్ సభ స్పీకర్, నాకు అత్యంత ఆప్తుడు గంటి మోహన చంద్ర బాలయోగి 23వ వర్ధంతి సందర్భంగా ఆయన స్మృతికి ఘన నివాళి అర్పిస్తున్నాను. అనునిత్యం పేద ప్రజలకోసం పనిచేసిన బాలయోగి జీవితం ఎందరికో స్ఫూర్తిదాయకం. మరీ ముఖ్యంగా దళితులకు ఆయన చేసిన సేవలు మరువలేనివి.
మంత్రి నారా లోకేష్:
దేశంలోనే అత్యున్నతమైన లోక్ సభ తొలి దళిత స్పీకర్ గా సేవలందించి దేశ రాజకీయాల్లో తనదైన ముద్రవేసిన కోనసీమ ముద్దుబిడ్డ, టీడీపీ నేత స్వర్గీయ జీఎంసీ బాలయోగి గారి వర్థంతి సందర్భంగా ఘన నివాళులు అర్పిస్తున్నాను. బడుగు, బలహీనవర్గాల అభ్యున్నతికి అహర్నిశలు కృషిచేసిన మహోన్నత వ్యక్తి బాలయోగి గారు. సామాన్య కుటుంబంలో జన్మించి అత్యున్నతమైన లోక్ సభ స్పీకర్ గా ఎదిగిన బాలయోగి గారి జీవితం స్ఫూర్తిదాయకం. రాష్ట్రానికి, దేశానికి ఆయన చేసిన సేవలను స్మరించుకుంటూ బాలయోగి గారి ఆశయసాధనకు ప్రతిఒక్కరం పునరంకితమవుదాం.
