వాద్వానీ ఫౌండేషన్ తో ఏపీ ప్రభుత్వం అవగాహన ఒప్పందం కుదుర్చుకుంది. పరిపాలనలో ఎమర్జింగ్ టెక్నాలజీని అందిపుచ్చుకోవడంలో వేగం సాధించడానికి వాద్వానీ ఫౌండేషన్ తో అవగాహన ఒప్పందం కుదుర్చుకోవడం జరిగిందని మంత్రి నారా లోకేష్ తెలిపారు. ఉండవల్లి నివాసంలో జరిగిన ఈ కార్యక్రమంలో ఇరుపక్షాల ప్రతినిధులు ఒప్పందంపై సంతకాలు చేశారు. రాష్ట్రంలో ఆర్టిఫీషియల్ ఇంటెలిజెన్స్ ఆధారిత సర్వీస్ డెలివరీ ట్రాన్స్ ఫర్మేషన్, పాలసీ మేకింగ్, కెపాసిటీ బిల్డింగ్ ఈ ఒప్పందం ముఖ్యోద్దేశమని పేర్కొన్నారు. ఆర్టిఫిషియల్ ఇంటెలిజెన్స్, మెషిన్ లెర్నింగ్, జనరేటివ్ ఏఐ, డ్రోన్లు, ఇతర అధునాతన సాంకేతిక పరిజ్ఞానాలు వివిధ ప్రభుత్వ విధుల్లో సమర్థవంతంగా వినియోగానికి ఈ ఒప్పందం దోహదపడుతుందని అన్నారు.
