టిడిపి ప్రభుత్వం విద్యార్థులు మరియు తల్లిదండ్రులపై ఆర్థిక భారం లేకుండా నాణ్యమైన విద్య అందించేందుకు కట్టుబడి ఉందని ఏపీ విద్యా శాఖ మంత్రి నారా లోకేష్ అన్నారు. మునుపటి ప్రభుత్వ పాలనలో తీవ్ర ఆర్థిక సంక్షోభం వచ్చినప్పటికీ, ఫీజు రీయింబర్స్‌మెంట్ బకాయిలను ఈ ప్రభుత్వం క్రమంగా క్లియర్ చేస్తున్నట్లు తెలిపారు. వైఎస్సార్సీపీ ప్రభుత్వం విద్యా రంగంలో ₹4,271 కోట్లు బకాయిలను వదిలివెళ్లగా, వాటిని పూర్తిగా చెల్లించేందుకు తాము కట్టుబడి ఉన్నామని తెలిపారు. ఇప్పటికే ₹788 కోట్లు విడుదల చేయగా…తాజాగా ₹600 కోట్లు విడుదల చేసినట్లు త్వరలో ₹400 కోట్లు విడుదల చేయనున్నామని తెలిపారు. విద్యార్థుల విద్య ఆర్థిక సమస్యల వల్ల ఆగిపోకుండా చూసేందుకు కట్టుబడి ఉన్నామని పేర్కొన్న మంత్రి లోకేష్ బకాయిల రూపంలో ఉన్న ప్రతి రూపాయి పూర్తిగా చెల్లించబడుతుందని స్పష్టం చేశారు.
