పేదలకు సాయం అందించేందుకు వీలుగా ప్రభుత్వం పీ4 విధానం ద్వారా ప్లాట్‌ఫామ్ నిర్మిస్తుందని ఏపీ సీఎం చంద్రబాబు అన్నారు. ఉగాది రోజున ప్రారంభించే జీరో పావర్టీ – పీ4 విధానంపై నేడు సచివాలయంలో సమీక్ష నిర్వహించారు.మౌలిక వసతులు పెంచేందుకు గతంలో పీపీపీ విధానం తీసుకు వచ్చినట్లు కొత్తగా ఈనెలలోనే పీ4 అనే కొత్త విధానం తీసుకురానున్నాం. ఆర్థికంగా బాగున్న వారు సమాజానికి ఎంతో కొంత తోడ్పాటునందించాలి. పేదరికంలో ఉన్న 30 లక్షల కుటుంబాలను దత్తత తీసుకునే ఏర్పాట్లు చేస్తామని ఇటీవల సీఎం చంద్రబాబు అసెంబ్లీ వేదికగా పేర్కొన్న సంగతి తెలిసిందే. స్వతహాగా పైకిరాలేని పేదల జీవితాల్లో మార్పు తీసుకొస్తాం. పేదరికం లేని సమాజం తీసుకురావడమే లక్ష్యమని స్పష్టం చేశారు.
