సచివాలయంలో తిరుమల తిరుపతి దేవస్ధానంపై ముఖ్యమంత్రి చంద్రబాబు సమీక్ష నిర్వహించారు. ఈ సమీక్షకు దేవాదాయ శాఖా మంత్రి ఆనం రామ్ నారాయణ రెడ్డి, టీటీడీ చైర్మన్ బిఆర్ నాయుడు, ఈవో జె.శ్యామలరావు, అడిషనల్ ఈవో వెంకయ్య చౌదరి, చీఫ్ విజిలెన్స్ అధికారి, తిరుపతి జిల్లా ఎస్పీ హర్షవర్థన్ రాజు తదితరులు హాజరయ్యారు. వేసవి దృష్ట్యా తిరుమలలో తీసుకోవాల్సిన జాగ్రత్తలపై సీఎం చంద్రబాబు పలు సూచనలు చేశారు. తిరుమలలో పెండింగ్ అంశాలపై సీఎం చంద్రబాబు చర్చించారు . టీటీడీ పూర్తిస్థాయి ప్రక్షాళన, అభివృద్ధి తో పాటు…. తిరుమల పవిత్రత పెంపుదల, ఏఐ టెక్నాలజీ తో శ్రీవారి దర్శనం, వసతి తదితర సదుపాయాలు కల్పన, అన్యమత ఉద్యోగులను ప్రభుత్వశాఖలకు బదిలీ, దేశ, విదేశాల్లో శ్రీవారి ఆలయాలు నిర్మాణంగత ప్రభుత్వ హాయంలో ఇష్టానుసారం జరిగిన నిధులు కేటాయింపులు, ఏళ్ల తరబడి పాతుకుపోయిన అధికారులు బదిలీలు తదితర కీలక ఆంశాలపై టిటిడి చైర్మన్ మరియు అధికారులు సీఎం దృష్టికి తీసుకొచ్చినట్లు తెలుస్తోంది.
