ఐసీసీ ఈవెంట్ లు మినహాయిస్తే క్రికెట్ లో దాదాపుగా ఇప్పుడు అన్నీ కూడా ద్వైపాక్షిక సిరీస్ లే ఎక్కువగా జరుగుతున్నాయి. కానీ ఒకప్పుడు ట్రై యాంగిల్ సిరీస్ లకు చాలా క్రేజ్ ఉండేది. మళ్లీ ఇప్పుడు అర దశాబ్దం తర్వాత మళ్లీ ట్రై యాంగిల్ సిరీస్ క్రికెట్ అభిమానులను ఉర్రూతలూగించే డానికి ముస్తాబవుతోంది. పాకిస్థాన్, న్యూజిలాండ్, సౌతాఫ్రికాల మధ్య ట్రై యాంగిల్ సిరీస్ నేటి నుండి ప్రారంభం కానుంది. వన్డే ఫార్మాట్ లో త్వరలో జరుగనున్న ఛాంపియన్స్ ట్రోఫీకి సన్నాహాకంగా ఈ మూడు టీమ్ లు ఉపయోగించుకోనున్నాయి. ఛాంపియన్స్ ట్రోఫీ కోసం సిద్ధం చేసిన లాహోర్, కరాచీ స్టేడియాలలో ఈ మ్యాచ్ లు జరుగనున్నాయి. మొదటి మ్యాచ్ లో పాకిస్తాన్, న్యూజిలాండ్ లు తలపడనున్నాయి.
