రంజీ ట్రోఫీ ఫైనల్ కేరళ విదర్భ మధ్య నువ్వా నేనా అన్నట్లు సాగుతోంది. ఓవర్ నైట్ స్కోర్ 131/3తో ఆట ప్రారంభించిన కేరళ 342 పరుగులకు ఆలౌటయింది. కెప్టెన్ సచిన్ బేబీ 98 (235; 10×4) కీలక ఇన్నింగ్స్ తో ఆకట్టుకున్నాడు. ఆదిత్య సర్వాటే 79 (185; 10×4),మహ్మద్ అజహరుద్దీన్ (34), సల్మాన్ నిజార్ (21) జలజ్ సక్సేనా (28) పరుగులు చేశారు. దీంతో విదర్భకు 37 పరుగుల మొదటి ఇన్నింగ్స్ ఆధిక్యం లభించింది. విదర్భ బౌలర్లలో దర్శన్ నల్కండే 3 వికెట్లు, హార్ష్ దూబే 3 వికెట్లు తీశారు. ఇక ఈ ట్రోఫీలో దూబే అదరగొట్టాడు. ఈ సీజన్ లో ఇప్పటికే 69 వికెట్లు పడగొట్టిన అతను 2018-19లో అశుతోష్ అమన్ (68) పేరిట ఉన్న రికార్డును అధిగమించాడు.
