ఆసియా రెజ్లింగ్ ఛాంపియన్ షిప్ లో భారత రెజ్లర్ మనీషా బల్వాలా గోల్డ్ మెడల్ గెలిచి సత్తా చాటింది. తాజాగా జరిగిన మహిళల ప్రీస్టైల్ 62 కిలోల విభాగం ఫైనల్ లో నార్త్ కొరియాకు చెందిన ఒక్ కిమ్ పై 8-7తో గెలుపొందింది. ప్రస్తుత టోర్నీలో భారత్ కు దక్కిన స్వర్ణం ఇదే. అంతకు ముందు సెమీస్ లో 5-1తో కల్మీరా బ్లింబెక్ పై 5-1తేడాతో మనీషా గెలిచింది. ఇక ఈ ఛాంపియన్ షిప్ లో భారత్ ఇప్పటి వరకు 8 పతకాలు గెలుచుకుంది.
