హాకీ ఇండియా ఉమెన్స్ వెటరన్ ప్లేయర్ వందన కటారియా ఆటకు గుడ్ బై చెప్పేసింది. 15 సంవత్సరాల సుదీర్ఘ కెరీర్ లో 320 మ్యాచ్ లు ఆడిన ఈ సీనియర్ ప్లేయర్ 158 గోల్స్ చేసింది. బరువైన హృదయంతో ఆటకు వీడ్కోలు చెబుతున్నా. ఫామ్ లో ఉండగానే ఆటకు స్వస్తి పలకాలని అనుకున్నా. ఎంతో కష్టపడి అంతర్జాతీయ స్థాయి క్రీడాకారిణిగా ఎదిగాను. భారత జెర్సీ ధరించడం ఎంతో గర్వకారణం. సుదీర్ఘ కాలం దేశానికి ప్రాతినిధ్యం వహించాను. ముఖ్యంగా టోక్యో ఒలింపిక్ను ఎప్పటికీ మరిచిపోలేను. సౌతాఫ్రికాపై హ్యాట్రిక్ చేయడం గొప్ప జ్ఞాపకం. కానీ ఒలింపిక్ పతకం సాధించకపోవడం పెద్ద వెలితి. అంతర్జాతీయ హాకీకి వీడ్కోలు పలికినా ఇండియా లీగ్ లో ఆడతానని వందన తెలిపింది.
