క్రికెట్‌ దిగ్గజం సచిన్ టెండూల్కర్ తన కుటుంబంతో కలిసి ఇటీవల అస్సాంలో పర్యటించారు.కాజీరంగా నేషనల్ పార్క్‌ సందర్శనలో భాగంగా జీప్ సఫారీ చేశారు.అక్కడి ప్రకృతి సౌందర్యాన్ని ఆస్వాదిస్తూ ఎంతో ఆనందంగా గడిపారు.సచిన్ ఏనుగులకు ఆహారం అందిస్తూ ప్రత్యేకంగా మమకారం చూపించారు.ఆయన రాక తెలిసిన అభిమానులు పెద్ద సంఖ్యలో అక్కడికి చేరుకున్నారు.సెల్ఫీలు, ఫొటోలు తీసుకుంటూ అభిమానులు సచిన్‌ను కలుసుకునేందుకు ఎగబడ్డారు.ఈ సన్నివేశాలకు సంబంధించిన వీడియోలు సోషల్ మీడియాలో వైరల్ అవుతున్నాయి.సచిన్ ప్రస్తుతం కుటుంబంతో ఎక్కువ సమయం గడుపుతున్నారు. ఖాళీ సమయాన్ని ప్రయాణాలకు కేటాయిస్తూ శాంతిగా జీవితం కొనసాగిస్తున్నారు. తన అనుభవాలను సోషల్ మీడియాలో షేర్ చేస్తూ అభిమానులతో టచ్‌లో ఉంటున్నారు.
