ఇటీవల బ్యూనస్ ఎయిర్స్ షూటింగ్ వరల్డ్ కప్ స్టేజ్-1లో గోల్డ్, సిల్వర్ తో అదరగొట్టిన యువ షూటర్ సురుచి ఇందర్ సింగ్, లిమాలో జరుగుతున్న వరల్డ్ కప్ స్టేజ్-2 పోటీల్లో కూడా గోల్డ్ తో సత్తాచాటింది. 10 మీటర్ల ఎయిర్ పిస్టల్ విభాగంలో 243.6 పాయింట్లతో అగ్రస్థానంలో నిలిచి ఆమె గోల్డ్ మెడల్ సాధించింది. ఇక మరో భారత షూటర్ మను భాకర్ సిల్వర్ తో సరిపెట్టుకుంది. మిక్సెడ్ టీమ్ విభాగంలో సౌరభ్ చౌదరితో కలిసి బరిలోకి దిగిన సురుచి మరో గోల్డ్ ను గెలిచింది. 17-9తో చైనాకు చెందిన కియాన్ గ్జున్-హుకాయ్ జోడీపై వీరు విజయం సాధించారు.
