థాయ్ లాండ్ ఓపెన్ బ్యాడ్మింటన్ టోర్నీలో భారత షట్లర్లు ఆకర్షి, మాళవిక, గాయత్రీ గోపీచంద్-ట్రీసాజాలీ జోడీలు శుభారంభం చేశారు. ఆకర్షి జపాన్ కు చెందిన కావోరు సుగియామా పై 21-16, 20-22, 22-20తో గెలిచింది. మాళవిక బాన్సోద్ 21-12, 13-21, 21-17తో టర్కీకి చెందిన నెస్లిహాన్ అరిన్ పై విజయం సాధించింది. మహిళల డబుల్స్ లో గాయత్రీ గోపీచంద్-ట్రీసాజాలీ ద్వయం 21-15, 21-13తో మలేషియాకు చెందిన ఆంగ్ జి, సి టింగ్ పై గెలిచి ముందంజ వేశారు. పురుషుల సింగిల్స్ లో స్టార్ షట్లర్ లక్ష్యసేన్ 18-21, 21-19, 17-21తో ఐర్లాండ్ కు చెందిన నాట్ గుయెన్ చేతిలో ఓడిపోయాడు.
