శాఫ్ అండర్-19 ఫుట్ బాల్ ఛాంపియన్ షిప్ లో డిఫెండింగ్ చాంపియన్ భారత్ మరోసారి టైటిల్ కైవసం చేసుకుంది. తాజాగా జరిగిన ఫైనల్ లో భారత్ 1-1 (4-3) తో పెనాల్టీ షూట్ అవుట్ లో బంగ్లాదేశ్ పై విజయం సాధించింది. నిర్ణీత సమయానికి ఇరు జట్లు 1-1తో నిలిచాయి. భారత్ నుండి 2వ నిమిషంలో సింగమయుం షామి గోల్ చేయగా… బంగ్లాదేశ్ నుండి 61వ నిమిషంలో జోయ్ అహ్మద్ గోల్ చేసింది. పెనాల్టీ షూట్ అవుట్ లో బంగ్లాదేశ్ మొదటి 3 ప్రయత్నాలలో సఫలమైంది. భారత్ రెండే చేయగలిగింది. అయితే తర్వాత బంగ్లాదేశ్ రెండు సార్లు విఫలమైంది. భారత్ రెండుసార్లు గోల్స్ చేసి విజేతగా నిలిచింది.
