ప్లే ఆఫ్ రేసుకు ఇప్పటికే దూరమైన సన్ రైజర్స్ హైదరాబాద్ లక్నో సూపర్ జెయింట్స్ కు కూడా ప్లే ఆఫ్ అవకాశాన్ని దూరం చేసింది. తాజాగా ఈ రెండు జట్ల మధ్య జరిగిన మ్యాచ్ లో సన్ రైజర్స్ అలవోకగా విజయం సాధించింది.
మ్యాచ్ లో టాస్ గెలిచిన సన్ రైజర్స్ హైదరాబాద్ మొదట బౌలింగ్ ఎంచుకుంది. దీంతో ముందుగా బ్యాటింగ్ చేసిన లక్నో సూపర్ జెయింట్స్ నిర్ణీత 20 ఓవర్లలో 7 వికెట్ల నష్టానికి 205 పరుగులు చేసింది. మిచెల్ మార్ష్ 65 (39; 6×4, 4×6), ఏడెన్ మార్క్రమ్ 61 (38; 4×4, 4×6) హాఫ్ సెంచరీలతో ఆకట్టుకున్నారు. నికోలస్ పూరన్ 45 (26; 6×4, 1×6) ఫర్వాలేదనిపించాడు. ఎషాన్ మలింగ 2 వికెట్లు, కమ్మిన్స్, హార్ష్ దూబే, హార్షల్ పటేల్ లు వికెట్లు తీశారు. ఇక టార్గెట్ ఛేజింగ్ లో సన్ రైజర్స్ ఎక్కడా తడబడకుండా బ్యాటింగ్ చేసింది. అభిషేక్ శర్మ 59 (20; 4×4, 6×6) మెరుపు ఇన్నింగ్స్ తో సత్తా చాటాడు. క్లాసిక్ 47 (28; 4×4, 1×6), ఇషాన్ కిషన్ 35 (28; 3×4, 2×6), కమిందు మెండీస్ 32 (21; 3×4) పరుగులు చేశారు.
