సింగపూర్ ఓపెన్ ప్రపంచ టూర్ సూపర్ 750 టోర్నీలో భారత స్టార్ షట్లర్లు పి.వి.సింధు, హెచ్.ఎస్. ప్రణయ్ మంచి ప్రదర్శన కనబరిచారు. తాజాగా జరిగిన మహిళల సింగిల్స్ తొలి రౌండ్లో సింధు 21-14, 21-9తో కెనడాకు చెందిన వెన్ జాంగ్ పై గెలిచి ప్రిక్వార్టర్ఫైనల్లోకి దూసుకెళ్లింది. మాళవిక బాన్సోద్ 21-14, 18-21, 11-21తో థాయ్ లాండ్ కు చెందిన సుపనిద చేతిలో, రక్షిత శ్రీ 14-21, 8-21తో కొరియాకు చెందిన కిమ్ యున్ చేతిలో, అన్మోల్ ఖార్బ్ 11-21, 22-24తో చైనాకు చెందిన చెన్ యుఫెయ్ చేతిలో ఓడారు. పురుషుల సింగిల్స్ తొలి రౌండ్లో ప్రణయ్ 19-21, 21-16, 21-14తో డెన్మార్క్ కు చెందిన రస్ముస్ గెమ్కీ పై విజయం సాధించి ప్రిక్వార్టర్స్ చేరాడు.
