ఇంగ్లాండ్ క్రికెటర్ జో రూట్ పరుగుల వేటలో దూసుకెళుతున్నారు. తాజాగా నాలుగో ఇన్నింగ్స్ లో అత్యధిక పరుగులు చేసిన ఆటగాడిగా సరికొత్త రికార్డు సృష్టించాడు. ఈ క్రమంలో దిగ్గజ బ్యాటర్ సచిన్ ను దాటాడు. 1625 పరుగులతో సచిన్ ఉండగా 1630 పరుగులతో రూట్ దానిని అధిగమించాడు. క్రైస్ట్ చర్చ్ లోని హాగ్లే ఓవల్ వేదికగా జరుగుతున్న మొదటి టెస్టులో ఇంగ్లాండ్ 8 వికెట్ల తేడాతో విజయం సాధించింది. జో రూట్ 15 బంతుల్లో 23 పరుగులు చేసి ఈ అరుదైన ఘనత సాధించాడు. జో రూట్ కు ఇది 150వ టెస్టు. ఇక ఈ జాబితాలో అలిస్టర్ కుక్(1611), గ్రేమ్ స్మిత్ (1611), శివనరైన్ చంద్ర పాల్ (1580) టాప్-5 లో ఉన్నారు.
