గతేడాది వన్డే ప్రపంచ కప్ ఫైనల్ తర్వాత గాయం వలన క్రికెట్ కు దూరంగా ఉన్న భారత స్టార్ పేసర్ మహామ్మద్ షమీ జట్టులోకి పునరాగమనం చేయనున్నాడు. దేశవాళీ క్రికెట్లో ఆడి ఫిట్ నెస్ నిరూపించుకున్న షమీ ప్రస్తుతం సయ్యద్ ముస్తక్ అలీ టోర్నీలో ఆడుతూ సత్తా చాటుతున్నాడు.బెంగాల్ తరపున ఆడుతున్నాడు. కాగా, భారత్ ఆస్ట్రేలియా జట్ల మధ్య జరుగుతున్న బోర్డర్ గవాస్కర్ ట్రోఫీ చివరి రెండు టెస్టులకు షమీ అందుబాటులో ఉండనున్నాడు. త్వరలోనే ఆస్ట్రేలియా పయనమవనున్నాడు. షమీ రాకతో భారత పేస్ దళం మరింత పటిష్టం కానుంది.
