బీడబ్ల్యూఎఫ్ ప్రపంచ టూర్ ఫైనల్స్ లో భారత స్టార్ షట్లర్స్ గాయత్రీ గోపీచంద్-ట్రీసాజాలీ ద్వయం విజయం సాధించింది. గ్రూప్ దశలో మొదటి మ్యాచ్ లో ఓటమిపాలైనా రెండో గేమ్ లో అద్భుతమైన ఆటతీరుతో ఆకట్టుకుని గెలుపు కైవసం చేసుకుంది. తాజాగా జరిగిన గ్రూప్-ఏ రెండో మ్యాచ్ లో 21-19, 21-19తో మలేషియాకు చెందిన టీనా- పెర్లీ టాన్ జోడీ పై నెగ్గింది. ఈ గెలుపుతో గ్రూప్-ఏ లో రెండో స్థానంలో నిలిచి నాకౌట్ ఆశలు సజీవంగా ఉంచుకుంది. గ్రూప్-ఏ లో ఆడిన రెండు మ్యాచ్ లలో గెలిచి చైనా జోడీ నాకౌట్ స్థానం ఖరారు చేసుకుంది. ఒక్కో విజయంతో జపాన్, భారత్ నాకౌట్ కోసం పోటీ పడుతున్నాయి. ఇక మలేషియా రెండు పరాజయాలతో నిష్క్రమించింది. తదుపరి మ్యాచ్ లో ఈ రెండు తలపడనున్నాయి.
