2024లో విడుదలైన సాంగ్స్‌లలో టాప్‌-10 లిస్ట్‌ను యూట్యూబ్‌ అధికారికంగా ప్రకటించింది.అందులో ఇండియా నుంచి ఒక సాంగ్‌ మాత్రమే ఉంది.ఇండియా నుంచి ఆ జాబితాలో నిలిచిన ఏకైక పాట ‘కుర్చీ మడతపెట్టి’ అని ప్రకటించింది.తెలుగు, తమిళం, కన్నడ, మలయాళం, హిందీ చిత్ర పరిశ్రమలకు సంబంధించి ఏడాది ఎన్నో పాటలు విడుదలైన విషయం తెలిసిందే.‘కుర్చీ మడతపెట్టి’ పాట టాప్‌లో నిలవడంపై సంగీత దర్శకుడు తమన్‌, నటి శ్రీలీల ఆనందం వ్యక్తం చేశారు. ఎక్స్‌ వేదికగా పోస్ట్‌ పెట్టారు.మహేశ్‌బాబు హీరోగా నటించిన ‘గుంటూరు కారం’లోని పాట ఇదనే విషయం తెలిసిందే.మహేశ్‌బాబు, శ్రీలీల స్టెప్పులు సినీ ప్రియులను విశేషంగా ఆకట్టుకున్నాయి. దాదాపు 52 కోట్ల మంది దీనిని వీక్షించారు.
