ప్రపంచ సంపన్నుడు, స్పేస్ ఎక్స్, టెస్లా వంటి మేటి సంస్థల అధినేత ఎలాన్ మస్క్ తాజాగా తన సోషల్ మీడియా ‘ఎక్స్’ లో తన ఎకౌంటు పేరును ‘కేకియస్ మాక్సిమస్’గా మార్చారు, ఈ కొత్తపదం ఏంటా అని నెటిజన్లు వెతికేస్తున్నారు. క్రిప్టో కరెన్సీకి సంబంధించి మస్క్ ఎప్పుడూ మద్దతు ఇస్తుంటారన్న విషయం తెలిసిందే. కాగా, కేకియస్ ఒక క్రిప్టో కరెన్సీ టోకెన్ పలు బ్లాక్ చెయిన్ ప్లాట్ ఫామ్ లలో ఇది లభ్యమవుతోంది. ఈ క్రిప్టోకు ఇటీవల కాలంలో విశేష ఆదరణ లభిస్తోంది. మార్కెట్లో దీని గురించి బాగా వినిపిస్తోంది. అలాగే ఇన్వెస్టర్ల దృష్టిని ఆకర్షిస్తోంది. ఈ నేపథ్యంలో మస్క్ ఆ కరెన్సీ పేరును తన బయోలో చేర్చినట్లు తెలుస్తోంది. 2023లో కూడా ఎలాన్ మస్క్ ఆయన ఖాతాను ‘మిస్టర్ ట్వీట్’గా మార్చుకున్న సంగతి తెలిసిందే.
