మహారాష్ట్రలోని 3 గ్రామాల్లోని ప్రజల జుట్టు రాలిపోవడం కలవరపాటుకు గురిచేస్తుంది.వివరాల్లోకి వెళ్తే వారంలోనే వెంట్రుకలన్నీ రాలిపోయి బట్టతల వస్తుండటంతో ప్రజలు ఆందోళనకు గురవుతున్నారు. బుల్దానా జిల్లాలోని షెగావ్‌ తాలూకాలోని బోండ్‌గావ్‌, కలవాడ్‌,హింగానా గ్రామాల్లో దాదాపు 50 మంది జుట్టు విపరీతంగా ఊడిపోయింది.అయితే చాలామందికి ముందుగా తలపై విపరీతంగా దురద రావడం…ఆపై రెండోరోజు నుండి వెంట్రుకలు కుప్పలుగా రాలిపోవడం ప్రారంభమై వారంలోనే బట్టతల వచ్చింది అని తెలుస్తుంది.ఈ గ్రామాల్లో నివశించే పురుషులతో పాటు మహిళలకు కూడా ఈ సమస్య ఎదురురైంది అని సమాచారం.
ఈ మేరకు బాధితులు హాస్పటల్ కు వెళ్లి పరీక్షలు చేయించుకుంటున్నారు.అయితే వైద్యులకు కూడా ఒకేసారి ఇలా అసాధారణంగా జుట్టు ఊడిపోవడానికి కారణం అంతుబట్టడం లేదు.దీనితో గ్రామస్తుల నుండి వెంట్రుకలు,చర్మ నమూనాలను వైద్యశాఖ సేకరించింది.అయితే కలుషిత నీరే ఈ సమస్యకు కారణమని వైద్యులు ప్రాథమికంగా అంచనా వేస్తున్నారు.నీళ్లలో పురుగుమందులు కలవడం వలన ఇలా జరిగినట్లు భావిస్తున్నారు.అధికారులు ఈ గ్రామాల్లో నీటి నమూనాలను సేకరించి ల్యాబ్ పరీక్షలకు పంపించారు.