ఏపీ సీఎం చంద్రబాబు కు విడుదలకానున్న ‘సోర్స్ కోడ్’ బుక్ ను బహుకరించిన బిల్ గేట్స్

ఇటీవల దావోస్ పర్యటనలో భాగంగా ఏపీ సీఎం చంద్రబాబు మైక్రోసాఫ్ట్ వ్యవస్థాపకుడు బిల్ గేట్స్ ను కలిసిన సంగతి తెలిసిందే. కాగా, త్వరలో ఓ పుస్తకాన్ని బిల్ గేట్స్ విడుదల చేయనున్నారు. దానికి సంబంధించిన కాపీని సీఎం చంద్రబాబుకు బహుకరించారు. ఆ పుస్తకం తనకు బహూకరించినందుకు సీఎం చంద్రబాబు ధన్యవాదాలు తెలిపారు. ఈ మేరకు సీఎం ‘ఎక్స్’లో పోస్ట్ చేశారు.”సోర్స్ కోడ్” పేరిట నా స్నేహితుడు బిల్ గేట్స్ పుస్తకం విడుదల చేస్తున్నారు. త్వరలో విడుదలకానున్న ఈ పుస్తక కాపీ నాకు బహూకరించినందుకు ధన్యవాదాలు. బిల్ గేట్స్ తన జీవిత ప్రయాణంలోని అనుభవాలు, పాఠాల సమాహారంగా ఈ పుస్తకాన్ని తీసుకొచ్చారని వివరించారు. కాలేజీ వదిలి మైక్రోసాఫ్ట్ ప్రారంభ నిర్ణయం వరకు ఆయన ప్రయాణం స్ఫూర్తిదాయకమని కొనియాడారు.