ప్రపంచంలోనే అతిపెద్ద ఆధ్యాత్మిక వేడుక మహా కుంభమేళాతో ఉత్తర్‌ప్రదేశ్‌లోని ప్రయాగ్‌రాజ్ కళకళలాడుతోంది. ఈ కార్యక్రమానికి దేశ విదేశాల నుంచి భక్తులు తరలివస్తున్నారు. పుణ్యస్నానాలు ఆచరిస్తున్నారు. ఇప్పటివరకు కోట్ల సంఖ్యలో భక్తులు పాల్గొన్నారు. ఇక ఈరోజు , భూటాన్ రాజు జిగ్మే ఖేసర్ నామ్‌గ్యాల్ వాంగ్‌చుక్ మహా కుంభమేళాలో పాల్గొన్నారు. పవిత్ర నదీ జలాలలో స్నానమాచరించి పూజలు నిర్వహించారు. ఉత్తర ప్రదేశ్ సీఎం యోగి ఆదిత్య నాధ్ ఆయనతో పాటు ఉన్నారు. ఈ సారి కుంభమేళాకు మొత్తం మీద 45 కోట్ల మందికి పైగా భక్తులు వస్తారని ప్రభుత్వం అంచనా వేసింది. దానికి అనుగుణంగా ప్రభుత్వం పటిష్టమైన భద్రతా ఏర్పాట్లు చేసింది.
