ఆంధ్రప్రదేశ్ రాష్ట్రంలో ఫైనాన్షియల్ కమిటీలను నియమిస్తూ నోటిఫికేషన్ జారీ అయింది. మూడు ఫైనాన్షియల్ కమిటీలకు ఛైర్మన్లను నియమిస్తూ శాసనసభ స్పీకర్ అయ్యన్నపాత్రుడు నోటిఫికేషన్ జారీ చేశారు. పబ్లిక్ అకౌంట్స్ కమిటీ, అంచనాల కమిటీ, ప్రభుత్వ రంగ సంస్థల కమిటీ ఛైర్మన్లను అధికారికంగా ప్రకటించారు. పబ్లిక్ అకౌంట్స్ కమిటీ ఛైర్మన్ గా పులవర్తి రామాంజనేయులు, ప్రభుత్వ రంగ సంస్థల కమిటీ ఛైర్మన్ గా కూన రవికుమార్, అంచనాల కమిటీ ఛైర్మన్ గా వేగుళ్ల జోగేశ్వర రావులు నియామకమయ్యారు. ఫైనాన్షియల్ కమిటీలకు ఛైర్మన్లను నియామకం పూర్తైనట్లు స్పీకర్ కార్యాలయం ప్రకటన విడుదల చేసింది.
