చంద్రబాబు బ్రాండ్ తో ఏపీకి పెట్టుబడుదారుల క్యూ కడుతున్నాయని రాష్ట్ర చేనేత మరియు జౌళి శాఖ మంత్రి సవిత అన్నారు. న్యూఢిల్లీలో జరుగుతున్న ఇంటర్నేషనల్ భారత్ టెక్స్-2025 ఎగ్జిబిషన్‌లో మంత్రి సవిత రెండో రోజు కూడా పాల్గొన్నారు. ఈ సందర్భంగా ఎగ్జిబిషన్‌లో పాల్గొన్న పలువురు దేశ, విదేశ పెట్టుబడుదారులతో మంత్రి సమావేశమయ్యారు. 5 సంస్థలు…2 వేల కోట్ల పెట్టుబడులు రానున్నట్లు తెలిపారు. త్వరలోనే ఆయా సంస్థలతో ఒప్పందాలు ఉంటాయని అన్నారు. ఆ పరిశ్రమల స్థాపనతో 15 వేల మందికి ఉద్యోగావకాశాలు లభిస్తాయని వివరించారు. మరిన్ని సంస్థలతో చర్చలు ఫలప్రదంగా ముగిసినట్లు పేర్కొన్నారు. త్వరలో పెట్టుబడిదారుల సదస్సు ఉంటుందని మంత్రి తెలిపారు.భారత్ టెక్స్ అందించిన స్ఫూర్తితో త్వరలో ఆంధ్రప్రదేశ్‌లోనూ చేనేత పరిశ్రమలో పెట్టుబడులు పెట్టేలా ఈ సదస్సు నిర్వహించనున్నట్లు మంత్రి సవిత తెలిపారు.
