తమిళనాడులోని అధికార డీఎంకే పార్టీకి చెందిన కార్యకర్తలు పలు కేంద్ర ప్రభుత్వ కార్యాలయల బోర్డులపై ఉన్న హిందీ పేర్లకు నల్లరంగు పూస్తున్నారు.కాగా రైల్వే స్టేషన్లు, పోస్టాఫీసులు సహా పలు చోట్ల ప్రభుత్వ సైన్ బోర్డులపై హిందీ అక్షరాలను నల్లరంగుతో కనిపించకుండా చేశారు.నిన్న డీఎంకే కార్యకర్తలు పాలక్కాడ్, పాలైయంకోట్టై రైల్వే స్టేషన్‌లోని బోర్టులపై హిందీ పేర్లకు బ్లాక్‌ పెయింట్‌ వేశారు.అయితే ఈరోజు కూడా దీనిని కొనసాగించారు.ఈ మేరకు చెన్నైలోని అలందూర్ పోస్టాఫీస్‌, జీఎస్టీ రోడ్డులోని బీఎస్ఎన్ఎల్ కార్యాలయంలోని సైన్ బోర్డులపై ఉన్న హిందీ అక్షరాలకు నల్లరంగు పూశారు.తాజాగా డీఎంకేపై బీజేపీ మండిపడింది.తమిళనాడు బీజేపీ అధ్యక్షుడు కె అన్నామలై డీఎంకేపై ఆగ్రహం వ్యక్తం చేశారు.ఈ మేరకు ఆయన ఎక్స్ వేదికగా స్పందించారు.అయితే త్రిభాషా విధానంపై డీఎంకే వైఖరి ‘కపటత్వం’ అని విమర్శించారు.డీఎంకే నాయకుల పిల్లలు బహు భాషా పాఠశాలల్లో చదువుతున్నప్పుడు త్రిభాషా విధానాన్ని డీఎంకే నేతలు ఎందుకు వ్యతిరేకిస్తున్నారని నిలదీశారు.‘డీఎంకే పార్టీ అనేది వారి కుటుంబాలకు,ఇతరులకు భిన్నమైన ప్రమాణాలు కలిగి, గందరగోళంగా ఉన్న అవివేకుల సమూహం అని విమర్శించారు.తమిళనాడు రాష్ట్ర ప్రజలను డీఎంకే తప్పు దారి పట్టిస్తోందని ఆరోపించారు.
Had seen a few misguided individuals roaming around with a can of black paint, striking Hindi Letters in opposition to the three-language formula in the New National Education Policy. We would humbly suggest that they visit the Enforcement Directorate and Income Tax Office with…
— K.Annamalai (@annamalai_k) February 24, 2025