ఏపీ డిప్యూటీ సీఎం పవన్ కళ్యాణ్ తో కాంగ్రెస్ సీనియర్ నేత వి.హానుమంతరావు భేటీ అయ్యారు. ఈరోజు మంగళగిరిలోని క్యాంపు కార్యాలయంలో ఈ భేటీ జరిగింది. ఉమ్మడి ఆంధ్ర ప్రదేశ్ ముఖ్యమంత్రిగా, కేంద్ర మంత్రిగా బాధ్యతలు నిర్వర్తించి విలువైన సేవలు చేసిన దామోదరం సంజీవయ్య గారి పేరును కర్నూలు జిల్లాకు పెట్టాలని ఈసందర్భంగా వీ.హానుమంతరావు పవన్ కళ్యాణ్ కు విజ్ఞప్తి చేశారు. సామాజిక ఫించన్లు రావడంలో, కార్మికులకు పలు ప్రయోజనాలు కల్పించడంలో శ్రీ దామోదరం సంజీవయ్య గారు పాత్ర ఎంతో ఉందని తెలుపుతూ ఆయన పేరుతో స్మారక భవనాన్ని నిర్మించాలని ప్రతిపాదించారు. ఈ అంశాలను రాష్ట్ర ముఖ్యమంత్రి చంద్రబాబు దృష్టికి తీసుకువెళ్తానని పవన్ కళ్యాణ్ తెలిపారు. ఈ సందర్భంగా హనుమంతరావు సత్కరించి జ్ఞాపికను అందించారు.
