ఉత్తరాఖండ్ లో ప్రమాదం…సహాయక చర్యల్లో ఎన్డీఆర్ఎఫ్, ఎస్ఆర్ఎఫ్ బృందాలు

ఉత్తరాఖండ్ లో మంచుచరియల్ని తొలగించే పనులు చేస్తున్న కార్మికుల్లో 55 మంది ప్రమాదవశాత్తు వాటికింద చిక్కుకుపోయారు. ఒక్కసారిగా పైనుండి మంచుపెళ్లలు వారిపై పడడంతో ఈ ప్రమాదం జరిగింది. సహాయక బృందాలు 32 మందిని కాపాడాయి. మిగిలిన 25 మంది ఆచూకీ కోసం ముమ్మరంగా గాలింపు చర్యలు జరుగుతున్నాయి. బద్రీనాథ్ క్షేత్రానికి సమీపంలో ఛమోలీ జిల్లాలోని మనా గ్రామం వద్ద ఈ ఘటన జరిగింది . ఇది భారత్-టిబెట్ సరిహద్దులో మన దేశానికి చెందిన చివరి గ్రామం. నేషనల్ హైవే పై భారీగా పేరుకుపోయిన మంచును బోర్డర్ రోడ్స్ సంస్థ (బీఆర్) సిబ్బంది తొలగిస్తున్నప్పుడు ఈ దుర్ఘటన జరిగింది. ఈ ప్రదేశం సముద్ర మట్టానికి 3,200 మీటర్ల ఎత్తులో ఉంది. మంచుతో కూడిన వర్షం దట్టంగా కురుస్తుండటంతో ఘటనా స్థలికి ఎన్డీఆర్ఎఫ్, ఎస్ఆర్ఎఫ్ చేరుకొని సహాయ కార్యక్రమాల్లో నిమగ్నమయ్యాయి.