ప్రభుత్వ రంగ టెలికాం సంస్థ బీఎస్ఎన్ఎల్ వినియోగదార్లకు శుభవార్త అందించింది.ప్రైవేటు టెలికాం సంస్థలకు దీటుగా వినియోగదారులకు సరసమైన ధరలతో సేవలను అందించడానికి ముందుకు వస్తోంది.ఈ సంవత్సరం మార్చి 14న హోలీ పండుగ రానున్న నేపథ్యంలో వినియోగదారుల కోసం హోలీ ధమాకా ప్లాన్‌ను ప్రకటించింది.కాగా బీఎస్ఎన్ఎల్ హోలీ ధమాకా ఆఫర్ రూ.2,399 ప్లాన్‌కు వర్తిస్తుంది.ఈ ప్లాన్ అపరిమిత కాలింగ్,రోజుకు 2 జీబీ డేటా,వంద ఎస్ఎంఎస్‌లు అందిస్తుంది.ఈ ప్లాన్ వ్యాలిడిటీని 395 రోజుల నుండి 425 రోజులకు పెంచింది.అంటే ఈ రీచార్జి ప్లాన్ ద్వారా నెల రోజుల అదనపు చెల్లుబాటును అందించనుంది.ఈ మేరకు హోలీ ధమాకా ఆఫర్ వివరాలను తన అధికారిక ఎక్స్ ఖాతా ద్వారా బీఎస్ఎన్ఎల్ వెల్లడించింది.
