శ్రీవారి కళ్యాణంతో రాజధాని ప్రాంతంలో ఆధ్యాత్మిక శోభ వెల్లివిరిసింది: ఏపీ సీఎం చంద్రబాబు

రాజధాని అమరావతిలోని వెంకటపాలెం శ్రీ వేంకటేశ్వర స్వామి ఆలయంలో తిరుమల తిరుపతి దేవస్ధానం నిర్వహించిన శ్రీనివాస కళ్యాణోత్సవంలో ఏపీ సీఎం చంద్రబాబు దంపతులు పాల్గొన్నారు. ఈ వేడుకలో పాల్గొనడం ఎంతో సంతోషాన్ని, సంతృప్తిని ఇచ్చిందని సీఎం చంద్రబాబు తెలిపారు. అత్యంత వైభవంగా, కన్నుల పండువగా జరిగిన శ్రీవారి కళ్యాణంతో రాజధాని ప్రాంతంలో ఆధ్యాత్మిక శోభ వెల్లివిరిసిందని పేర్కొన్నారు. ఆ ఏడుకొండల వాడి దయతో అమరావతి… ప్రజలు గర్వించే రాజధానిగా ఆవిష్కృతం కావాలని కోరుకుంటున్నట్లు తెలిపారు. ప్రజలకు మంచి జరిగేలా…. స్వర్ణాంధ్ర లక్ష్యం సాధనకు మేం చేస్తున్న కృషి ఫలించేలా శ్రీనివాసుడు కరుణించాలని ప్రార్థించినట్లు సోషల్ మీడియా ‘ఎక్స్’ లో పోస్ట్ చేశారు.