దేశీయ స్టాక్ మార్కెట్లు నేటి ట్రేడింగ్ లో లాభాలను ఆర్జించాయి. గత వారంలో నష్టాలతో ఒడిదుడుకుల్లో కదలాడిన సూచీలు ఈ వారాన్ని లాభాలతో ప్రారంభించాయి. బాంబే స్టాక్ ఎక్స్ చేంజ్ సూచీ సెన్సెక్స్ 341 పాయింట్లు లాభంతో 74,169 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 112 పాయింట్లు లాభపడి 22,509 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.80గా కొనసాగుతోంది. సెన్సెక్స్ 30లో మహీంద్రా అండ్ మహీంద్రా, బజాజ్ ఫిన్ సర్వ్, యాక్సిస్ బ్యాంకు, అదానీ పోర్ట్స్, బజాజ్ ఫైనాన్స్ షేర్లు లాభాల్లో ముగిశాయి.
