రిటైర్మెంట్ నుండి పునరాగమనం చేసిన భారత ఫుట్ బాల్ దిగ్గజం సునీల్ ఛెత్రి రాణించడంతో మాల్దీవులపై జరిగిన ఫ్రెండ్లీ మ్యాచ్ లో భారత్ 3-0తో ఘనవిజయం సాధించింది. రాహుల్ బొకే 35వ నిమిషంలో చేసిన గోల్ తో ఆధిక్యంలోకి వెళ్లిన భారత్ 66వ నిమిషంలో లిస్టన్ కొలాకో చేసిన గోల్ తో 2-0తో రెట్టింపు ఆధిక్యంలోకి వెళ్లింది. 77వ నిమిషంలో లెజెండ్ సునీల్ ఛెత్రి గోల్ చేయడంతో 3-0తో నిలిచిన భారత్ ప్రత్యర్థికి ఎలాంటి అవకాశం ఇవ్వలేదు. 16 నెలల్లో భారత జట్టు అందుకున్న మొదటి విజయం ఇది. ఇక ప్రపంచ ర్యాంకింగ్స్ లో భారత్ 126వ స్థానంలో కొనసాగుతుండగా… మాల్దీవులు 162వ స్థానంలో ఉంది.
