ఈ సీజన్ ఐపీఎల్ లో రాజస్థాన్ రాయల్స్ ఆడనున్న మొదటి మూడు మ్యాచ్ లకు రియాన్ పరాగ్ కెప్టెన్ గా వ్యవహరించనున్నాడు. వేలి గాయంతో బాధపడుతున్న రెగ్యులర్ కెప్టెన్ సంజూ శాంసన్ కేవలం బ్యాటర్ గా ఆడతాడు. గాయం పూర్తిగా నయం అయినతరువాత అతను వికెట్ కీపింగ్ చేస్తాడు. ఇంపాక్ట్ ప్లేయర్ గా సంజూ బరిలోకి దిగే అవకాశం ఉంది. పూర్తి ఫిట్ నెస్ వచ్చాక కెప్టెన్ గా బాధ్యతలు తీసుకుంటాడు. మూడు నాలుగు మ్యాచ్ ల వరకు పూర్తి ఫిట్ నెస్ తో ఉండకపోవచ్చని రాజస్థాన్ రాయల్స్ ఇన్ స్టా గ్రామ్ లో పోస్ట్ చేసిన వీడియోలో తెలిపాడు. పరాగ్ కెప్టెన్ గా వ్యవహరించనున్నట్లు వివరించాడు.
