పశ్చిమ బెంగాల్ ముఖ్యమంత్రి మమతా బెనర్జీ యూకే పర్యటనలో విద్యార్థుల నిరసనను ఎదుర్కొన్నారు.లండన్‌లోని ఆక్స్‌ఫర్డ్‌ యూనివర్సిటీలో ‘సామాజిక అభివృద్ధి, మహిళా సాధికారత’ అంశంపై ప్రసంగిస్తున్న సమయంలో, బెంగాల్‌లో జరిగిన హింస, ఆర్జీ కార్ వైద్యురాలి హత్యాచార ఘటనపై విద్యార్థులు ప్రశ్నించారు. ప్లకార్డులు ప్రదర్శిస్తూ నిరసన వ్యక్తం చేసిన విద్యార్థులకు మమతా ధీటుగా సమాధానం ఇచ్చారు. ఇలాంటి నిరసనలతో తనను భయపెట్టలేరని, తాను “రాయల్‌ బెంగాల్ టైగర్‌” అని స్పష్టంగా చెప్పారు.మీరు చెప్పేది వినపడట్లేదని.. గట్టిగా చెప్పండి అంటూ విద్యార్థులకు సూచించారు. మీరు చెప్పేదంతా నేను వింటాను కాస్త ప్రశాంతంగా మాట్లాడండి అని చెప్పారు. విద్యార్థులు లేవనెత్తిన అంశాలను పూర్తిగా విన్న దీదీ..రాజకీయాలకు ఇది వేదిక కాదని, తాను దేశ ప్రతినిధిగా హాజరైనట్లు తెలిపారు. విద్యార్థుల నిరసన కొనసాగుతున్న వేళ, 1990లో తీవ్రంగా గాయపడి తలకు కట్టుతో ఉన్న తన ఫొటోను చూపిస్తూ, తనపై గతంలో జరిగిన దాడుల గురించి వారికి వివరించారు. ఈ ఘటన ఆమె పర్యటనకు ఆసక్తికర మలుపు తీసుకొచ్చింది.
Previous Articleటెలివిజన్ రంగాన్ని అధిగమించి డిజిటల్ మీడియా…!
Next Article సీఏ ఫైనల్ పరీక్షలు ఇక ఏడాదికి మూడుసార్లు