ఈరోజు యలమంచిలి నియోజకవర్గం అచ్యుతాపురంలో టీడీపీ ఉత్తమ కార్యకర్తల సమావేశంలో నారా లోకేష్ పాల్గొన్నారు. ఈసందర్భంగా వారిని ఉద్దేశించి ప్రసంగించారు. ఎన్టీఆర్, చంద్రబాబు హయాం నుంచి సభ్యత్వం మనకు ఒక ఎమోషన్, కోటి సభ్యత్వం చరిత్రలో ఒక రికార్డు, యలమంచిలి నియోజకవర్గంలో 41వేలసభ్యత్వం చేసినందుకు అభినందనలు. యువగళం పాదయాత్రలో కష్టపడిన కార్యకర్తలను గుర్తించాలని ఇక్కడ కార్యకర్తలు నాకు చెప్పారు. బాబు ష్యూరిటీ – భవిష్యత్తుకు గ్యారంటీ, సోషల్ మీడియా, సభ్యత్వ నమోదులో మెరుగైన పనితీరు కనబర్చిన వారివివరాలను ఆన్ లైన్ లో పెట్టినాని పేర్కొన్నారు. ఎవరు పనిచేస్తున్నారో తెలుసుకునేందుకు ఈ విధానం అమలుచేస్తున్నామని టిడిపిలో కష్టపడిన కార్యకర్తలకే నామినేటెడ్ పదవులు ఇస్తాం, ఈ విషయంలో క్లారిటీతో ఉన్నాం, కష్టపడి పార్టీకోసం పనిచేయాలని పిలుపునిచ్చారు . ప్రస్తుత మన ప్రభుత్వం అయిదేళ్లు ఉంటుంది. తొలిసారి అవకాశం రాకపోయినా మూడువిడతల్లో కష్టపడి పనిచేసిన ప్రతి కార్యకర్తకు న్యాయం చేస్తాం, అధైర్యపడవద్దని భరోసా ఇచ్చారు.
