వెస్టిండీస్ టీ20 టీమ్ కెప్టెన్ గా షై హోప్ నియమితులయ్యాడు. ప్రస్తుతం వన్డే కెప్టెన్ గా ఉన్న అతను తాజాగా రోమన్ పావెల్ నుండి బాధ్యతలు తీసుకోనున్నాడు. పావెల్ 2023 నుండి కెప్టెన్ గా ఉన్నాడు. ఇక నాలుగేళ్ల నుంచి టెస్టు కెప్టెన్ గా వ్యవహరిస్తున్న బ్రెత్ వైట్ ఆ బాధ్యతల నుండి తప్పుకోనున్నాడు. జూన్-జులై లో ఆస్ట్రేలియాతో స్వదేశంలో టెస్టు సిరీస్ ఆరంభానికి ముందు కొత్త కెప్టెన్ ను ప్రకటించనున్నారు. 100 టెస్టులకు చేరువలో ఉన్న బ్రెత్ వైట్ కు ఈ సిరీస్ ఎంతో ప్రత్యేకం. ఇక ఇప్పటి వరకు కెప్టెన్ గా ఉన్న అతనికి వెస్టిండీస్ క్రికెట్ బోర్డు కృతజ్ఞతలు తెలిపింది. కొన్ని వారాల్లో కొత్త కెప్టెన్ ను ప్రకటించనున్నట్లు తెలిపింది.
