వక్ఫ్‌ సవరణ బిల్లుపై సుప్రీంకోర్టును ఆశ్రయించిన ఆప్‌ ఎమ్మెల్యే

వివాదాస్పద వక్ఫ్‌ సవరణ బిల్లుపై ఆమ్‌ ఆద్మీ పార్టీ తరఫున ఎమ్మెల్యే అమనతుల్లా ఖాన్‌ సుప్రీంకోర్టును ఆశ్రయించారు.ఈ బిల్లును రాజ్యాంగ విరుద్ధమని అభివర్ణిస్తూ, ఆర్టికల్స్ 14, 15, 21, 25, 26, 29, 30 మరియు 300-ఏలకు వ్యతిరేకంగా ఉందని పిటిషన్‌లో పేర్కొన్నారు. ముస్లిం సమాజానికి చెందిన మతపరమైన,సాంస్కృతిక స్వయంప్రతిపత్తిపై ఈ బిల్లు తీవ్రంగా ప్రభావం చూపుతోందని ఆయన ఆరోపించారు.మత స్వేచ్ఛను హరించే విధంగా ప్రభుత్వ జోక్యానికి మార్గం సుగమమవుతోందని వివరించారు.మైనారిటీలకు రాజ్యాంగం కల్పించిన హక్కులు ఈ బిల్లుతో తగ్గిపోతున్నాయని పేర్కొన్నారు.ధార్మిక సంస్థల నిర్వహణలో ప్రభుత్వ చొరవను పెంచేలా ఉందని ఆందోళన వ్యక్తం చేశారు.ఈ నేపథ్యంలో ఈ బిల్లును రద్దు చేయాలని, రాజ్యాంగబద్ధతను పునఃపరిశీలించాలని సుప్రీంకోర్టును కోరారు.ఈ అంశంపై విచారణ ప్రారంభించిన కోర్టు, తదుపరి విచారణ తేదీని త్వరలోనే వెల్లడించనుంది.