భారీ స్కోరింగ్ మ్యాచ్ లో లక్నోదే పైచేయి… కోల్ కతా పై 4 రన్స్ తేడాతో గెలుపు

లక్నో సూపర్ జెయింట్స్:238-3 (20).
కోల్ కతా నైట్ రైడర్స్:234-7 (20).
కోల్ కతా వేదికగా జరిగిన కోల్ కతా నైట్ రైడర్స్- లక్నో సూపర్ జెయింట్స్ మ్యాచ్ లో లక్నో సూపర్ జెయింట్స్ 4 పరుగుల తేడాతో విజయం సాధించింది.
పరుగుల వరదపారిన ఈ మ్యాచ్ లో టాస్ ఓడి మొదట బ్యాటింగ్ చేసిన లక్నో జట్టు నిర్ణీత 20 ఓవ‌ర్ల‌లో 3 వికెట్ల‌కు 238 ప‌రుగుల భారీ స్కోర్ న‌మోదు చేసింది. ఓపెన‌ర్లు మార్క్‌క్ర‌మ్, మిచెల్ మార్ష్ ఏకంగా 99 ప‌రుగుల కీలక పార్టనర్ షిప్ అందించారు. మార్క్‌క్ర‌మ్ 28 బంతుల్లో 47 ప‌రుగుల చేశాడు. ఆ త‌ర్వాత క్రీజులోకి వ‌చ్చిన నికోల‌స్ పూర‌న్‌ మార్ష్ విధ్వంసకర బ్యాటింగ్ తో విరుచుకుప‌డ్డారు. మార్ష్ 48 బంతుల్లోనే 81 పరుగులు చేశాడు. ఈ ఇన్నింగ్స్ లో 5 సిక్స‌ర్లు, 6 ఫోర్లు ఉన్నాయి. నికోలస్ పూరన్ అజేయంగా 36 బంతుల్లో 8 సిక్సులు, 7 ఫోర్లతో 87 ప‌రుగులు చేశాడు. కోల్‌క‌తా బౌల‌ర్ల‌లో హ‌ర్షిత్ రాణా 2 వికెట్లు, ఆండ్రీ ర‌స్సెల్ ఒక వికెట్ ప‌డ‌గొట్టాడు. లక్ష్యాన్ని ఛేదించే క్రమంలో కోల్ కతా బ్యాటర్లు కూడా చెలరేగారు. కెప్టెన్ అజింక్య రహానే 61 (35; 8×4, 2×6) హాఫ్ సెంచరీతో రాణించాడు. వెంకటేష్ అయ్యర్ 45 (29; 6×4, 1×6), సునీల్ నరైన్ 30 (13; 4×4, 2×6), రింకూ సింగ్ 38 నాటౌట్ (15; 6×4, 2×6) పరుగులతో ఆకట్టుకున్నారు. కీలక సమయాల్లో వికెట్లు కోల్పోయిన కోల్ కతా 20 ఓవర్లలో 7 వికెట్ల నష్టానికి 234 పరుగులు మాత్రమే చేయగలిగింది. లక్నో బౌలర్లలో ఆకాష్ దీప్ 2 వికెట్లు, శార్థుల్ ఠాకూర్ 2 వికెట్లు, ఆవేష్ ఖాన్, దిగ్వేష్ సింగ్ రాఠీ, రవి బిష్ణోయ్ ఒక్కో వికెట్ తీశారు.