క్రైమ్ కామెడీ నేపథ్యంలో రూపొందిన ఫ్యామిలీ ఎంటర్‌టైనర్‌ ‘సారంగపాణి జాతకం’ ఈ నెల 25న ప్రేక్షకుల ముందుకు రానుంది.ప్రముఖ దర్శకుడు ఇంద్రగంటి మోహనకృష్ణ దర్శకత్వంలో, శివలెంక కృష్ణప్రసాద్ నిర్మించిన ఈ చిత్రంలో ప్రియదర్శి కథానాయకుడిగా నటిస్తున్నారు.రూపా కొడవాయూర్ కథానాయికగా నటించగా, బుధవారం విడుదలైన ట్రైలర్‌కి మంచి స్పందన లభిస్తోంది. “ఇంద్రగంటి గారితో పని చేయాలన్న కోరిక ఈ సినిమాతో నెరవేరింది. ఇది వేసవిలో చల్లని జల్లులా తీయని వినోదాన్ని అందిస్తుంది,” అని ప్రియదర్శి అన్నారు.
దర్శకుడు మోహనకృష్ణ మాట్లాడుతూ, “క్రైమ్ కామెడీతో ఆద్యంతం నవ్వించే కథను చక్కగా చెప్పాం,” అని విశ్వాసం వ్యక్తం చేశారు. నిర్మాత శివలెంక మాట్లాడుతూ, సినిమా అవుట్‌పుట్ పట్ల తాము చాలా సంతోషంగా ఉన్నామని, ఇది హిట్ గ్యారంటీ అనే నమ్మకమున్నదన్నారు. కథానాయిక రూపా కొడవాయూర్ మాట్లాడుతూ, “జాతకాలను నమ్మనివాణ్ణి, కానీ ఈ సినిమాలో నటించిన తర్వాత ఆ విషయంపై నమ్మకం కలిగింది,” అని వెల్లడించారు. నటుడు వెన్నెల కిషోర్ సినిమా గురించి మాట్లాడుతూ, “పుష్పక విమానం టాకీ రూపంలో ఉంటే ఇదే ‘సారంగపాణి జాతకం’ అవుతుంది” అని తనదైన స్టైల్‌లో ప్రశంసలు గుప్పించారు.