వరల్డ్ కప్ షూటింగ్ స్టేజ్-2 టోర్నమెంట్ లో భారత్ కు మరో మెడల్ లభించింది. మహిళల 25 మీటర్ల పిస్టల్ లో సిమ్రన్ ప్రీత్ కౌర్ బ్రార్ సిల్వర్ మెడల్ సాధించింది. ఫైనల్ లో ఆమె 33 పాయింట్లతో సెకండ్ ప్లేస్ లో నిలిచింది. చైనా షూటర్ సన్ యుజీ 34 పాయింట్లతో అగ్రస్థానంలో నిలిచి గోల్డ్ మెడల్ గెలిచింది. కేవలం ఒక్క పాయింట్ తేడాతో భారత షూటర్ సిల్వర్ తో సరిపెట్టుకుంది. మరో చైనా షూటర్ యావో కియాన్ గ్జున్ కాంస్యం గెలిచింది. ఇక క్వాలిఫైయింగ్ లో (585) ద్వితీయ స్థానంలో నిలిచిన స్టార్ షూటర్ మను బాకర్ ఫైనల్ లో 22 పాయింట్లతో నాలుగో స్థానంలో నిలిచింది.
