దేశానికే గర్వకారణమైన త్రివిధ దళాల అధిపతులను ఐపీఎల్ ఫైనల్ కు ఆహ్వానించినట్లు బీసీసీఐ తాజాగా తెలిపింది. ఐపీఎల్ సీజన్ 18 ఫైనల్ జూన్ 3న అహ్మదాబాద్ వేదికగా జరగనుంది. ఆ సందర్భంగా టోర్నీ ముగింపు కార్యక్రమం కూడా ఉండనుంది. ఆపరేషన్ సిందూర్ విజయవంతమైన నేపథ్యంలో ఈ కార్యక్రమాన్ని సాయుధ దళాలకు అంకితమివ్వనున్నామని బీసీసీఐ కార్యదర్శి దేవజిత్ సైకియా తెలిపారు. “ఆపరేషన్ సిందూర్ విజయవంతమైన నేపథ్యంలో ఉత్సవం జరపడానికి త్రివిధ దళాల అధిపతులు, ఉన్నతాధికారులు, సైనికులను ఐపీఎల్ ఫైనల్ కు ఆహ్వానించాం. మన హీరోలకు గౌరవ సూచకంగా ముగింపు కార్యక్రమాన్ని సాయుధ దళాలకు అంకితమివ్వాలని నిర్ణయించామని పేర్కొన్నాడు.
