ఎయిరిండియా ప్రయాణికులకు చేదు అనుభవం ఎదురైంది. థాయ్లాండ్ నుంచి దిల్లీ బ‌య‌లు దేరిన విమానంలో సాంకేతిక లోపం తలెత్తడంతో 80 గంటలుగా ఆ దేశంలోనే చిక్కుపోయారు. 100 మందికి పైగా ప్రయాణికులతో నవంబరు 16న థాయ్లాండ్ నుంచి ఈ విమానం బయలుదేరింది. టేకాఫ్ అయిన కాసేపటికే దానిలో సాంకేతిక లోపం తలెత్తింది. దీంతో గంటల పాటు ప్రయాణికులు వేచి చూడాల్సి వచ్చింది. అలా 80 గంటలుగా థాయ్‌లాండ్‌లోని ఫుకెట్‌లో చిక్కుకుపోయారు. దీనిపై ఎయిర్‌లైన్స్ సంబంధిత వ‌ర్గాలు స్పందించాయి. ఇప్ప‌టికే కొంత‌మందిని గ‌మ్యస్ధానానికి చేర్చామ‌ని పేర్కొన్నాయి. కేవ‌లం 40 మంది మాత్ర‌మే ప్ర‌స్తుతం ఆ ఎయిర్‌పోర్ట్‌లో ఉన్నార‌ని.. వారి ప్ర‌యాణానికి ఏర్పాట్లు చేస్తున్నామ‌ని తెలిపాయి.
