భారతదేశంలోని వీక్షకులకు విభిన్న కంటెంట్‌ను అందించడానికి ప్రసార భారతి అందుబాటులోకి తీసుకొచ్చిన ఓటీటీ ‘వేవ్స్’. దీని ద్వారా రామాయణం, మహాభారతం ధారావాహికలను ఉచితంగా అందిస్తోంది. వీటితోపాటు రేడియో కార్యక్రమాలు, భక్తి గీతాలు, ఆటలు, ఈ- పుస్తకాలను కూడా ఉచితంగా అందుబాటులోకి తీసుకొచ్చింది. వేవ్స్ 65 లైవ్ ఛానళ్లు అందుబాటులో ఉంటాయనీ, 10కి పైగా విభాగాల్లో విభిన్న కార్యక్రమాలను పొందవచ్చని ప్రసారభారతి తెలిపింది.
ఇక ఈ ప్లాట్‌ఫారమ్ చలనచిత్రాలు, టీవీ సిరీస్‌లు, లైవ్ ఈవెంట్‌లు, గేమ్‌లు మరియు ఎడ్యుకేషనల్ మెటీరియల్‌తో సహా అనేక రకాల వినోదాలను అందించడం లక్ష్యంగా పెట్టుకుంది. వేవ్స్ హిందీ, ఇంగ్లీష్, తమిళం, మరాఠీ మరియు అస్సామీలతో సహా పలు భాషలలో అందుబాటులో ఉంది.
