ఉత్తర ప్రదేశ్ రాష్ట్రంలోని సంభల్ ఇటీవల జరిగిన ఘర్షణల నేపథ్యంలో బాధితులను పరామర్శించేందుకు కాంగ్రెస్ అగ్రనేతలు రాహుల్ గాంధీ ఆయన సోదరి వయనాడ్ ఎంపీ ప్రియాంక గాంధీ వాద్రా బయలుదేరారు. కాగా, స్థానికేతరులు అక్కడికి రావడంపై ఆంక్షలు ఉండడంతో ఘాజీపూర్ సరిహద్దు వద్ద వారిని యూపీ పోలీసులు అడ్డుకున్నారు. వీరి పర్యటన నేపథ్యంలో నేటి ఉదయం నుండే ఢిల్లీ సరిహద్దులలో భద్రత కట్టుదిట్టం చేశారు. ఘాజీపూర్ సరిహద్దు వద్ద భారీగా పోలీసులు మోహరించారు. బారికేడ్లను ఏర్పాటు చేశారు. అక్కడ ఉద్రిక్త పరిస్థితుల నేపథ్యంలో భారీగా ట్రాఫిక్ జామ్ అయింది. కిలోమీటర్ల మేర వాహనాలు నిలిచిపోవడంతో ప్రయాణికులు ఇబ్బందులు ఎదుర్కొంటున్నారు.
