అతడ్ని బాధ్యుడ్ని చేయడం ఎంతవరకు సమంజసం?: అల్లు అర్జున్ అరెస్టును ఖండించిన వై.ఎస్.జగన్

హైదరాబాద్‌ సంధ్య థియేటర్‌ వద్ద జరిగిన తొక్కిసలాట ఘటనలో ప్రముఖ సినీ నటుడు అల్లు అర్జున్ ను నేడు హైదరాబాద్ లో అరెస్టు చేసిన విషయం తెలిసిందే. కాగా, దీనిపై మాజీ సీఎం జగన్ స్పందించారు. ఈ ఘటనలో ఒక మహిళ ప్రాణాలు కోల్పోవడం వల్ల ఆ కుటుంబానికి జరిగిన నష్టం ఎవ్వరూ తీర్చలేనిదని అన్నారు. అదే సమయంలో దీనిపై అల్లు అర్జున్ తన విచారాన్ని వ్యక్తంచేసి, ఆ కుటుంబానికి అండగా ఉంటానంటూ బాధ్యతాయుతంగా వ్యవహరించారని అయితే ఈ ఘటనకు నేరుగా అతడ్ని బాధ్యుడ్ని చేయడం ఎంతవరకు సమంజసం? అని ప్రశ్నించారు. తొక్కిసలాట ఘటనలో తన ప్రమేయం లేకపోయినా అర్జున్‌పై క్రిమినల్‌ కేసులు బనాయించి, అరెస్టు చేయడం సమ్మతంకాదని జగన్ అభిప్రాయం వ్యక్తం చేశారు. అల్లు అర్జున్‌ అరెస్టును తీవ్రంగా ఖండిస్తున్నట్లు తెలిపారు.