ఈ వారాంతాన్ని దేశీయ స్టాక్ మార్కెట్లు నష్టాలతో ముగించాయి. వారం చివరి రోజైన నేడు ఆటో స్టాక్స్ లో అమ్మకాలతో సూచీలు ఒడిదుడుకులకు లోనయ్యాయి. అటు అంతర్జాతీయ మార్కెట్లలోనూ వాణిజ్య యుద్ధం భయాలు కొనసాగుతున్నాయి. బాంబే స్టాక్ ఎక్స్ చేంజ్ సూచీ సెన్సెక్స్ 424 పాయింట్లు నష్టపోయి 75,311 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 117 పాయింట్ల నష్టంతో 22,795 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.66గా కొనసాగుతోంది. ఎల్ అండ్ టీ, హెచ్.సీ.ఎల్ టెక్నాలజీస్, టాటా స్టీల్, ఏషియన్ పెయింట్స్, హెచ్.డి.ఎఫ్.సి షేర్లు లాభాల్లో ముగిశాయి.
