అంతర్జాతీయ సానుకూల సంకేతాలకు తోడు కొనుగోళ్ల మద్దతుతో దేశీయ స్టాక్ మార్కెట్లు నేడు భారీ లాభాలతో ట్రేడింగ్ ముగించాయి. విదేశీ ఇన్వెస్టర్ల కొనుగోళ్లు, ఐటీ షేర్లు రాణించడం మార్కెట్లకు కలిసొచ్చింది. బాంబే స్టాక్ ఎక్స్ చేంజ్ సూచీ సెన్సెక్స్ 809 పాయింట్ల లాభంతో 81,765 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ సైతం 240 పాయింట్ల లాభంతో 24,708 వద్ద ముగిసింది. డాలరుతో రూపాయి మారకం విలువ 84.70గా ఉంది. టీసీఎస్, ఇన్ఫోసిస్, టైటాన్, బజాజ్ ఫైనాన్స్ , భారతి ఎయిర్టెల్ షేర్లు లాభాలతో ముగిశాయి.
